მნიშვნელოვანია, რომ ანაკლიის პროექტის განხორციელდეს- თალაკვაძე ვაშინგტონიდან 

პარლამენტის თავმჯდომარე არჩილ თალაკვაძე აცხადებს, რომ ერთ-ერთი თემა, რომელზეც საქართველოს დელეგაციამ აშშ-ში პარტნიორებთან ისაუბრა, ანაკლიის პორტის საკითხი იყო. 

ამის თაობაზე მან ტელეკომპანია “იმედის” ეთერში განაცხადა 7 თებერვალს ვაშინგტონიდან. 

“ერთ-ერთი თემა იყო ანაკლიის პორტის თემა. ჩვენ რეალურად დაგვჭირდება დახმარება ამერიკელი პარტნიორების მხრიდან, რომ მოვძებნოთ საიმედო ინვესტორი ამ პროექტისთვის. ეს არის მომავლის ეკონომიკის ნაწილი და მნიშვნელოვანია, რომ პროექტი განხორციელდეს”, – განაცხადა მან. 

მისი თქმით, ამერიკელმა კოლეგბმა დაინახეს, რომ საქართველოს სახელწიფომ თავისი  ვალდებულებები ანაკლიის პორტთან დაკავშირებით, შეასრულა. 

“მომავალში სამუშაო შეხვედრები გვექნება აშშ-ში რათა ინვესტორები მოვიძიოთ. პრემიერ-მინისტრიც ჩადის აშშ-ში  და ეს არის მისი კომპეტენციის სფეროა. დარწმუნებული ვარ ის აქტიურად იმუშავებს ახალ ინვესტორებთან”, – განაცხადა თალაკვაძემ. 

თალაკვაძე 7 თებერვალს აშშ-ში აშშ-ის სახელმწიფო მდივნის თანაშემწეს ევროპისა და ევრაზიის საკითხებში ფილიპ რიკერს შეხვდა.


მთავარი ფოტო: არჩილ თალაკვაძე და აშშ-ის სახელმწიფო მდივნის თანაშემწეს ევროპისა და ევრაზიის საკითხებში ფილიპ რიკერი;  ფოტო: პარლამენტის პრესსამსახური.


როგორ იგებს რუსეთი ანაკლიის პორტის ჩაგდებით

ნეტგაზეთის მასალების სხვა გამოცემებში გადაბეჭდვის წესი
ავტორი