“როდესაც მოქალაქე ამბობს, რომ მის წინააღმდეგ სისხლის სამართლის დანაშაულია ჩადენილი, ეს ასეა თუ არა, გამოძიებამ უნდა დაადგინოს, მაგრამ ეს გამოძიება თავიდანვე პროკურტაურამ უნდა წარმართოს. ამ შემთხვევაში გენინსპექციის ჩართვა უბრალოდ არასწორია და შეიძლება გარკვეული კითხვები გააჩინოს. იუსტიციის მინისტრის ბრძანება, რომელიც საგამოძიებო ქვემდებარეობას ადგენს, აცხადებს, რომ პოლიციელის მხრიდან ჩადენილი დანაშაული პროკურატურამ უნდა გამოიძიოს სწორედ იმიტომ, რომ შსს-ს მიერ მისი გამოძიება თავიდანვე აყენებს ინტერესთა კონფლიქტის სახეს. პრაქტიკაში დადგება თუ არა ინტერესთა კონფლქიტი, არ ვიცით, მაგრამ ინსტიტუციურად, როცა გენინსპექცია იძიებს საქმეს, რომელიც შეიცავს სისხლის სამართლის დანაშაულის ნიშნებს, უფრო მართებული იქნება პროკურატურას გადაუგზავნოს”, – ამბობს იგი.

ანა ნაცვლიშვილის თქმით კი, გენინსპექცია თავისი მანდატის ფარგლებში სწავლობს, არის თუ არა პოლიციის საქმიანობაში დისციპლინური გადაცდომა.

“ამ შემთხვევაში ლიკას ვიდეოდან ნათლად ჩანს, რომ ის დისციპლინურ გადაცდომაზე არ აპელირებს, გაცილებით უფრო მძიმეა ის, რასაც თვითონ ყვება და ეს ინფორმაცია სისხლის სამართლის დანაშაულის ნიშნებს შეიცავს. ასეთ დროს კანონმდებლობა ნათლად გვეუბნება, რომ აქ მთავრდება გენინსპექციის და იწყება პროკურატურის უფლებამოსილება. რა აზრი აქვს ახლა, გენინსპექცია რომ იწყებს მოკვლევას? ამ კონკრეტულ საქმეზე არ ვიტყვი, მაგრამ ზოგადად ჩვენ გვაქვს ქეისები, როდესაც გენინსპექციის მხრიდან გამოძიება უბრალოდ დროის გაყვანის ტაქტიკაა იყო და მეტი არაფერი”, – აცხადებს საიას ხელმძღვანელი.