ნეტგაზეთი | “ტერორიზმთან დაკავშირებული ინციდენტი” ლონდონთან – მოკლულია თავდამსხმელი “ტერორიზმთან დაკავშირებული ინციდენტი” ლონდონთან – მოკლულია თავდამსხმელი – Netgazeti

“ტერორიზმთან დაკავშირებული ინციდენტი” ლონდონთან – მოკლულია თავდამსხმელი

ტელეკომპანია BBC-ის ცნობით, უცნობი პირი ლონდონთან ახლოს, მცირე ზომის ქალაქ სტრეთემში, ქუჩაში დანით თავს დაესხა გამვლელებს. დაშავდა, სულ მცირე, ორი ადამიანი. თავდამსხმელი პოლიციამ მოკლა.

ლონდონის პოლიცია შემთხვევას “ტერორიზმთან დაკავშირებულს” უწოდებს, შემოსაზღვრულია მიმდებარე ტერიტორია და ადგილზე მობილიზებულია პოლიცია. როგორც თვითმხილველები ჰყვებიან, შემთხვევის დროს მიმდებარე ქუჩები პანიკამ მოიცვა და ხალხმა თავი მიმდებარე ობიექტებს შეაფარა.

შემთხვევის შესახებ განცხადება გაავრცელა ლონდონის მერმა სადიქ ხანმა, სადაც აღნიშნულია: “ტერორისტები ჩვენს დაყოფასა და ჩვენი ცხოვრების განადგურებას ცდილობენ. აქ, ლონდონში, ჩვენ მათ ამის საშუალებას არასდროს არ მივცემთ”.

ჯერჯერობით, თავდამსხმელი ან მოტივი იდენტიფიცირებული არ არის.

მთავარ ფოტოზე: შემთხვევის ადგილი/Getty

ნეტგაზეთის მასალების სხვა გამოცემებში გადაბეჭდვის წესი
ავტორი
თაზო კუპრეიშვილი არის "ნეტგაზეთის" რედაქტორი 2018 წლის პირველი თებერვლიდან.