ნეტგაზეთი | გუდიაშვილის მოედანზე XI-XII საუკუნის მოჭიქული კერამიკა აღმოაჩინეს გუდიაშვილის მოედანზე XI-XII საუკუნის მოჭიქული კერამიკა აღმოაჩინეს – Netgazeti

გუდიაშვილის მოედანზე XI-XII საუკუნის მოჭიქული კერამიკა აღმოაჩინეს

თბილისში, გუდიაშვილის მოედანზე,  XI-XII საუკუნის პერიოდის მოჭიქული კერამიკის ნიმუში აღმოაჩინეს, რომელიც სრულადაა შენარჩუნებული.

არქეოლოგიური მასალა გუდიაშვილის მოედანზე მიმდებარე შენობების სარეაბილიტაციო სამუშაოებისას აღმოჩნდა. დედაქალაქის მერის, კახა კალაძის თქმით, თბილისის ისტორიულ ნაწილში მიწისქვეშა სამუშაოების მიმდინარეობისას ბევრი მსგავსი საინტერესო ნიმუში ამოდის, რომელსაც კონსერვაცია ჩაუტარდება და სამუშოების დასრულების შემდეგ გუდიაშვილის მოედანზე განთავსებულ მუზეუმში დაიდებს ბინას:

გუდიაშვილის მოედანზე აღმოჩენილი არქეოლოგიური ნიმუშები

გუდიაშვილის მოედანზე აღმოჩენილი არქეოლოგიური ნიმუშები ნეტგაზეთი/მარიამ ბოგვერაძე

“ისტორიულად ყველამ კარგად ვიცით, რა მნიშვნელობა აქვს ამ მოედანს. არის ისტორიული შენობა-ნაგებობები, რომელიც იქნება აღდგენილი. სექტემბრისთვის უნდა დასრულდეს ეს სამუშაოები. როდესაც ამ სამუშოების დროს ხდება მიწისქვეშა გათხრები, არქეოლოგიურად საინტერესო ნიმუშები ამოდის. ბევრია ასეთი ნივთები ამოღებული, ხდება მათი კონსერვაცია, შენახვა და შემდეგ მუზეუმში, რომელიც იქნება აქ გაკეთებული, განთავსდება” ,- ამბობს კალაძე.

“ტფილისის ჰამჰქრის” წევრის, ცირა ელისაშვილის თქმით, ნაპოვნი მოჭიქული კერამიკა იმითაა მნიშვნელოვანი, რომ სრულადაა შემონახული. ელისაშვილი აღნიშნავს, რომ არქეოლოგიური ნიმუში ნახანძრალ ფენაში აღმოაჩინეს, რომელიც თავის მხრივ, აღა მაჰმად ხანის პერიოდისაა:

“ყოველდღიურად გუდიაშვილის მოედანი სიურპრიზებს გვახვედრებს. უკვე რამდენიმე თვეა აქ არექოლოგი ადგილზეა და სარეაბილიტაციო სამუშოებს უწევს ზედამხედველობას. რაც შეეხება თვითონ არქეოლოგიას, ის არის აშკარად ნახანძრალი ფენიდან ამოღბული, რომელიც აღა მაჰმად ხანის პერიოდისაა. ეს კერამიკული თასი XI-XII საუკუნით თარიღდება, თუმცა ის ნახანძრალი ფენა, რომლიდანაც ამოვიდა, 1795 წლის კრწანისის მოვლენებთან არის კავშირში”, – ამბობს ელისაშვილი.

XI-XII საუკუნის არქეოლოგიური ნიმუში გუდიაშვილის მოედანზე ფოტო: ნეტგაზეთი/მარიამ ბოგვერაძე

ამავე თემაზე წაიკითხეთ:

რა აღმოაჩინეს გუდიაშვილის მოედნის რესტავრაციისას

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.