„ლელოს“ ერთ-ერთმა ლიდერმა, კახა კოჟორიძემ პროკურტურას მოსამართლე გიორგი არევაძესთან დაკავშირებით მიმართა. გიორგი არევაძე ნიკა გვარამიას საქმის მოსამართლე იყო მანამ, სანამ სასამართლო პროცესზე ეს საქმე არ აიცილა.

კახა კოჟორიძე საკუთარ ფეისბუკ-გვერდზე ავრცელებს უწყებაში შეტანილი დოკუმენტის ასლს. ამ დოკუმენტში, როგორც კოჟორიძე ამბობს, “მთავარი“ არხის სიუჟეტიდან ციტატაა გადმოტანილი, რომლითაც გვარამია ამბობს, რომ არევაძეს საქმის აცილებისკენ პრემიერმა, გიორგი გახარიამ მიუთითა.

დოკუმენტში ასევე საუბარია მამუკა ხაზარაძისა და ბადრი ჯაფარიძის საქმეზეც. წერილის შესახებ გვარამია ამბობს:

„[არევაძემ] მითითება მიიღო პირდაპირ გახარიასგან… ზარდიაშვილი და არევაძე იყვნენ გახარიასთან კაბინეტში პირადად ღამე, ღამის საათებში და მიიღო მითითება მან, რომ უნდა აეცილებინა ეს საქმე. მე პროცესზე რომ მივდიოდი, ვიცოდი, რომ ის საქმეს აიცილებდა ზუსტად იმიტომ, რომ ამ ინფორმაციას ვფლობდი.

და ახლა ვეუბნები იმავეს ჯაფარიძეს და ხაზარაძეს, რომ ამ ეტპის შეხვედრები არევაძესთან, ცხადია, მათთან დაკავშირებითაც გაიმართებოდა,“.

კოჟორიძე ამბობს, რომ აღნიშნული განცხადება გამოძიების დაწყების საფუძველია, რადგან შეიცავს დანაშაულის შესახებ ინფომრაციას.

https://www.facebook.com/photo.php?fbid=3294854277207962&set=a.101795813180507&type=3&theater

მისივე თქმით, ზემოხსნეული გამოძიება სწორედ პროკრატურის ვალდებულებაა და არა უფლებამოსილება.