ამის შესახებ “ნეტგაზეთს” კომპანიის დირექტორმა ფინანასების და მარკეტინგის საკითხებში ნინო თურმანიძემ განუცხადა:
“უმოკლეს ვადაში მოხდება გათიშული აბონენტების ჩართვა და აღუდგებათ გაზმომარაგება სტიქიით შედეგად დაზარალებულებს. ამ დროისთვის არ ხდება ახალდაბის გაზმომარაგება. კომპანია მუშაობს 24-საათიან რეჟიმში და 22 ივნისს, დღის ბოლოსთვის ყველა აბონენტი ჩაირთვება”
ნინო თურმანიძის ინფორმაციით, ასევე კომპანია თავის წვლილს შეიტანს დაზარალებულთა ფონდში:
“ეს იქნება თანამშრომელა ხელფასიდან შემოწირულობა, რომელიც გადაირიცხება სტიქიის შედეგად დაზარალებულთა დახმარების ფონდში. ამ ეტაპზე კონკრეტული თანხას ვერ დავასახელებ”.
13-14 ივნისის სტიქიის შედეგად გარდაცვლილია 19 ადამიანი, საიდანაც 18 უკვე იდენტიფიცირებულია. 3 ადამიანი დაკარგულად ითვლება. ოფიციალური ინფორმაციით, სტიქიის შედეგად მიყენებული მატერიალური ზარალის ოდენობა, ჯამში, 100 მილიონ ლარს აჭარბებს.
