“ნეტგაზეთს” ენერგოსადისტრიბუციო კომპანიაში განუცხადეს, რომ ამ აბონენტებისთვის ელექტროენერგიის შეწყვეტის მიზეზი მაღალი ძაბვის გადამცემი ხაზების, “ვერა1” და “ვერა2”-ის კაბელების დაზიანება გახდა: 

“კომპანიაში შეტყობინება შეოვიდა 19 ივნისს, 10:50 წუთზე, რომ თამარ მეფის გამზირთან მდებარე კაბელებს ხანძარი გაუჩნდა. იმუშავა ავტომატიკამ, რის შემდეგაც ელექტროენერგიის მიწოდება შეუწყდა დიდუბე-ჩუღურეთის რაიონის აბონენტებს და მთაწმინდის რაიონის ნაწილს. მიმდინარეობს აღდგენითი სამუშაოები, ელექტროენერგიის მიწოდება აბონენტებს სავარაუდოდ დღეს საღამოს აღუდგებათ.”

ქვესადგურები “ვერა1” და “ვერა2” 13-14 ივნისის სტიქიის დროს დაზიანდა და ობიექტებზე სარეაბილიტაციო სამუშაოები დღეს დასრულდა.