თბილისის ზოოპარკის პრესასთან ურთიერთობის სამსახურის უფროსმა მზია შარაშიძემ “ნეტგაზეთს” განუცხადა, რომ დახოცილი ცხოველების ნეშტები ზოოპარკში არ რჩება და მერიის დასუფთავების სამსახურს გააქვს.
“დღემდე ცხოველები გადაჰქონდათ ნორიოს ნაგავსაყრელზე და იმარხებოდა სურსათის უვნებლობის სააგენტოს ვეტერინარების ზედამხედველობით, ვეტერინარული წესების სრული დაცვით. ახლა მოხდება ცხოველების დაწვა,”– აცხადებენ მერიაში.
მერიის პრესსამსახურის განცხადებით, შესაძლოა ცხოველების დასაწვავად სურსათის უვნებლობის სააგენტოს ინსენერატორი გამოიყენონ. მათი განცხადებით, მერიასთან ერთად ამ საკითხზე სურსათის უვნებლობის სააგენტო მუშაობს.
დაიტბორა ზოოპარკის მიმდებარე ტერიტორიაც. ცხოველების ნაწილი დაიხრჩო, ნაწილი კი გაიქცა. გუშინ ლაგუნა ვერეს მინდებარე ტერიტორიაზე ვეფხვმა 1 პირი დაგლიჯა. ამ ინცინდენტის შემდეგ სამართალდამცავებმა ვეფხვი მოკლეს. დღეის მდგომარეობით, ეძებენ ზოოპარკიდან გაქცეულ 1 ვეფხვსა და 1 ზოლიან აფთარს.
