“მთავარი“ არხის ჟურნალისტი, ემა გოგოხია ამბობს, რომ მას სიცოცხლის მოსპობით ემუქრებიან. საქმე კი ეხება ნარკოდანაშაულის ბრალდებით ზუგდიდში დაკავებული სასულიერო პირის საქმეს. ამ განცხდების საფუძველზე შსს-მ გამოძიება დაიწყო.
გოგოხია “მთავარ“ არხთან საუბარში ამბობს, რომ ამ მუქარამდე გადამღებ ჯგუფს თავს დაესხნენ. შემდეგ კი უცნობი პირები მის საცხოვრებელ სახლში მივიდნენ:
“ჩემთან მივიდნენ სასულიერო პირები, მამა გამოიყვანეს სახლიდან და ის გააფრთხილეს, რომ დაუბარეს, რომ მე ეს საქმიანობა არ გამგერძელებინა. არ შევხებოდი ქალაქში ნარკოტიკების, თორემ, ერთი ტყვია ემასთვის არის შენახული,“ – ამბობს გოგოხია.
ნეტგაზეთს შსს-ში უდასტურებენ, რომ გოგოხიას მიერ თავდასხმისა და მუქარების შესახებ საქმეზე გამოძიება ერთობლივად საქართველოს სისხლის სამართლის კოდექსის ორი – მუქარისა და ჟურნალისტისათვის პროფესიულ საქმიანობაში უკანონოდ ხელის შეშლის – მუხლით მიმდინარეობს.
უწყება ამბოს, რომ საქმეზე გამოკითხვები მიმდინარეობს.
ზუგდიდში პოლიციას ნარკოდანაშაულის ბრალდებით სასულიერო პირი ჰყავს დაკავებული. საპატრიარქოში აცხადებენ, რომ ის ქართულ მართლმადიდებელ ეკლესიას არ ექვემდებარებოდა.
ვრცლად ამ თემაზე: