მცხეთაში, მაჟორიტარი დეპუტატის დიმიტრი ხუნდაძის ოფისთან მომხდარ ჩხუბზე გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.
ამის შესახებ “ნეტგაზეთს” შინაგან საქმეთა სამინისტროში განუცხადეს.
ამასთან, მცხეთაში აქციაზე, სადაც მოძრაობა „გაბედეს“ წევრებსა და მაჟორიტარ დიმიტრი ხუნდაძის მხარდამჭერებს შორის ფიზიკური დაპირისპირება მოხდა, 7 ადამიანი ადმინისტრაციული სამართალდარღვევის გამო დააკავეს. 2 მომიტინგე ადამიანი დაშავდა.