მთავრობის ადმინისტრაცია

მთავრობის ადმინისტრაციასთან დღეს აქცია გაიმართება

დღეს, 21 ნოემბერს, 11:00 საათზე მთავრობის ადმინისტრაციასთან აქცია გაიმართება. როგორც აქტივისტები ამბობენ, ადმინისტრაციის შენობას სიმბოლურად ბოქლომს დაადებენ. 

ეს პირველი შემთხვევა არ არის, როდესაც აქტივისტები სახელმწიფო უწყებებს სიმბოლურად ბოქლომს ადებენ. იგივე სახის პერფორმანსი გუშინ პროკურატურასთან და სუს-თან გაიმართა.

პროკურატურასთან აქციის დროს ადგილზე მალხაზ მაჩალიკაშვილიც იმყოფებოდა, რომელმაც მისი შვილის, თემირლან მაჩალიკაშვილის საქმის გამოძიება მოითხოვა.

რაც შეეხება სახელმწიფო უსაფრთხოების სამსახურის შენობას, აქ მხარდამჭერებთან ერთად დავით ქაცარავა იყო მისული.

დავით ქაცარავამ სუს-ის შენობის კარზე ბოქლომი ჩამოკიდა

დავით ქაცარავამ სუს-ის შენობის კარზე ბოქლომი ჩამოკიდა

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან