ნეტგაზეთი | ცხინვალში ქართველ ექიმს ორთვიანი პატიმრობა შეუფარდეს ცხინვალში ქართველ ექიმს ორთვიანი პატიმრობა შეუფარდეს – Netgazeti
RU | GE  

ცხინვალში ქართველ ექიმს ორთვიანი პატიმრობა შეუფარდეს

ნეტგაზეთის ინფორაციით, ცხინვალის დე ფაქტო სასამართლომ 9 ნოემბერს დაკავებულ ქართველ ექიმს, ვაჟა გაფრინდაშვილს, ორთვიანი პატიმრობა შეუფარდა. სასამართლო დღეს, 15 ნოემბერს გაიმართა.

“გაფრინდაშვილის მიმართ რუსეთის ფედერაციის სისხლის სამართლის კოდექსის 322-ე მუხლით [საზღვრის უკანონო კვეთა] დაიწყო გამოძიება. დადგენილია, რომ საქართველოს მოქალაქემ განზრახ გადაკვეთა რესპუბლიკის სახელმწიფო საზღვარი”, – ნათქვამია სამხრეთ ოსეთის დე ფაქტო უშიშროების კომიტეტის განცხადებაში.

სხვა დეტალები, მათ შორის ბრალთან დაკავშირებით, ჯერ ცნობილი არ არის.

“აღნიშნულთან დაკავშირებით ამოქმედებულია ცხელი ხაზი, ინფორმირებულია ევროკავშირის სადამკვირვებლო მისია და მიმდინარეობს მუშაობა მის გასათავისუფლებლად”, – აცხადებენ სუს-ში.

რუსი სამხედროების მიერ 9 ნოემბერს დაკავებული ქართველი ექიმი საქართველოს ორთოპედ-ტრავმატოლოგთა საზოგადოების პრეზიდენტია.

საქართველოს ორთოპედ-ტრავმატოლოგთა ასოციაციის პრეზიდენტი ცხინვალის იზოლატორში რჩება

 

 

ნეტგაზეთის მასალების სხვა გამოცემებში გადაბეჭდვის წესი
ავტორი