ოჯახში ძალადობაში ბრალდებულს წლითა და სამი თვით პატიმრობა მიესაჯა

ოჯახში ფიზიკურ და ფსიქოლოგიურ ძალადობაში ბრალდებულს სასამართლომ ერთი წლითა და სამით თვით პატიმრობა მიუსაჯა. ინფრომაციას ამის შესახებ საქართველოს პროკურატურა ავრცელებს.

უწყების ინფორმაიით,მტკიცებულებებით დადგინდა, რომ 2019 წლის 23 თებერვალს და 20 მარტს ახმეტაში, ბრალდებულმა ფიზიკური შეურაცხყოფა მიაყენა მასთან არარეგისტრირებულ ქორწინებაში მყოფ  – ლ.ნ-ს. გამოკვლეული მტკიცებულებებით ასევე დადგინდა, რომ ის 2017 წლის მაისიდან ლ.ნ-ს, არასრულწლოვანი შვილების თანდასწრებით, სისტემატურად აყენებდა სიტყვიერ შეურაცხყოფას.

სამართალდამცველებმა პირი 2019 წლის 25 მარტს ახმეტაში დააკავეს. მას ბრალდება საქართველოს სისხლის სამართლის კოდექსის 126′ მუხლის მეორე ნაწილის „ბ“ ქვეპუნქტით (ოჯახის ერთი წევრის მიერ მეორის მიმართ სისტემატური შეურაცხყოფა, რამაც გამოიწვია ტანჯვა, ჩადენილი არასრულწლოვნის თანდასწრებით), 126′ მუხლის პირველი ნაწილით (ორი ეპიზოდი) (ოჯახის ერთი წევრის მიერ ოჯახის სხვა წევრის მიმართ ძალადობა, რამაც ფიზიკური ტკივილი გამოიწვია) წარედგინა და აღკვეთის ღონისძიების სახით პატიმრობა შეეფარდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან