7 ნოემბრის საღამოს დაბალბიუჯეტურმა ირლანდიურმა ავიაკომპანია Ryanair-მა პირველი რეისი შეასრულა საქართველოში.
პირველი რეისი მარსელიდან ქუთაისის მიმართულებით საღამოს 10 საათისთვის შესრულდა.
კომპანიის ცნობით, 9 ნოემბრიდან ქუთაისის აეროპორტს კიდევ ერთი ახალი მიმართულება – ბოლონია დაემატება. ასევე, ქუთაისის აეროპორტიდან მარსელისა და ბოლონიის მიმართულებით კვირაში 2-2-ჯერ იფრენს, ხოლო თბილისის აეროპორტიდან კვირაში 4-ჯერ – მილანის მიმართულებით. 2020 წლის აპრილიდან კი პირდაპირ რეისებს კვირაში ორჯერ კიოლნი-თბილისის მიმართულებით დაიწყებს.
საერთო ჯამში, 2020 წლისთვის ავიაკომპანია საქართველოდან ევროპის 12 მიმართულებით შეასრულებს რეისებს.