ნეტგაზეთი | მომღერალ გრეგორი ლეპსს ლატვიაში შესვლა აუკრძალეს მომღერალ გრეგორი ლეპსს ლატვიაში შესვლა აუკრძალეს – Netgazeti
RU | GE  

მომღერალ გრეგორი ლეპსს ლატვიაში შესვლა აუკრძალეს

ლატვიამ ცნობილ რუს მუსიკოსს, გრიგორი ლეპსს (ლეფსვერიძეს) ქვეყანაში შესვლა აუკრძალა და არასასურველი პირების სიაში შეიყვანა. იგი ლატვიის დედაქალაქ რიგაში მომავალ თებერვალში გეგმავდა კონცერტს.

ეს გადაწყვეტილება ლატვიის საგარეო საქმეთა მინისტრმა, ედგარ რინკევიჩმა, გააცნო საზოგადოებას. ლატვიის მხარე ამ ნაბიჯს უკავშირებს ლეპსის „საეჭვო კავშირებს დანაშაულებრივ სამყაროსთან“, რასაც იგი უარყოფს.

ლეპსი არაერთი სახელმწიფოს ჰყავს გამოცხადებული პერსონა ნონ-გრატად. ამერიკის შეერთებული შტატები იყო პირველი ქვეყანა, რომელმაც 2013 წელს აუკრძალა მას ქვეყანაში შესვლას. აშშ-ის ხელისუფლების თანახმად, არსებობს კავშირები ლეპსსა და რუსულ კრიმინალურ ჯგუფს შორის, რომელიც ნარკოტრაფიკთანაა კავშირში. ლეპსი ბრალდებას „სასაცილოსა და აბსურდულს“ უწოდებს.

2018 წელს მას ისრაელმაც აუკრძალა ქვეყანაში შესვლა, თუმცა საბოლოოდ მაინც შეუშვეს და თელ-ავივლში კონცერტი ჩაატარებინეს.

2016 წელს მას დიდმა ბრიტანეთმაც აუკრძალა ქვეყანაში შესვლა. იგივე გადაწყვეტილება აქვს მიღებული ლიეტუვას.

ლეპსმა საქართველოში კონცერტები 2014 და 2017 წლებში გამართა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com