რუსთაველის გამზირზე, სადაც ამჟამად აქცია “სირცხვილია” მიმდინარეობს, კონტრდემონსტრანტები მივიდნენ.
კონტრდემონსტრანტებს პარტიული ეკიპირება თან არ ჰქონიათ, თუმცა მათ თან ახლდათ ბეჟან გუნავა, რომელიც პატრიოტთა ალიანსის წარმომადგენელია.
კონტრდემონსტრანტებსა და პოლიციას შორის მოხდა შეხლა-შემოხლა. პოლიციამ ორ აქციას შორის კორდონი გააკეთა. რამდენიმე კონტრდემონსტრანტი, მათ შორის გუნავა ადმინისტრაციული წესით დააკავეს.
