ბასილაშვილი ჩემპიონია – მან ფინალში რუსი რუბლევი დაამარცხა

ნიკოლოზ ბასილაშვილმა ჰამბურგის ღია პირველობის ფინალში რუსი ანდრეი რუბლევი დაამარცხა. ბასილაშვილმა სამი სეტიდან ორი მოიგო.

ქართველმა სპორტსმენმა პირველ სეტში 7:5 დაამარცხა რუბლევი. მეორე სეტში თავად დამარცხდა – 6:4. მესამე, ბოლო სეტში ნიკოლოზ ბასილაშვილმა რუსი ჩოგანი ანგარიშით – 6:3 დაამარცხა.

გუშინ, 27 ივლისს, ჰამბურგის ღია პირველობის ნახევარფინალში ნიკოლოზ ბასილაშვილმა  მსოფლიოს მეხუთე ჩოგანი, გერმანელი ზვერევი დაამარცხა.

ბასილაშვილი მეორედ გახდა ჰამბურგის ღია პირველობის ჩემპიონი.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან