პრეზიდენტმა მრევლს ქრისტეშობის დღესასწაული მიულოცა.

“მინდა ყველას მოგილოცოთ შობის ბრწყინვალე დღესასწაული.  დღს ჩვენს სულებში იბადება ყველაზე სუფთა საწყისი სიყვარულის, რომელიც ყველას შეუნდობს; რომელსაც აქვს ძალა იმისა, რომ ყველაფერზე მაღლა დადგეს; რომელსაც აქვს შემოქმედების ძალიან დიდი უნარი. ღმერთმა დიდხანს გაგვაძლებინოს ამ ძალით, დიდხანს გვატარებინოს ეს ძალა, არ დავივიწყოთ, ზურგი არ შევაქციოთ, არ ვუთხრათ მას უარი. ყველას კიდევ ერთხელ გილოცავთ დღევანდელ დღეს”.

7 იანვარს მართლმადიდებელი ქრისტიანების ნაწილი ქრისტეშობის დღესასწაულს ზეიმობს, მათ შორისაა საქართველოს მართლმადიდებელი ეკლესიაც.

მართლმადიდებელი ეკლესიის პატრიარქი ილია II შობის დღესასწაულს სამების საკათედრო ტაძარში დაესწრო, სადაც მან წირვა-ლოცვა აღავლინა და ტრადიციული საშობაო ეპისტოლე წაიკითხა.