შსს: კახეთში მკვლელობისთვის ბრალდებული დააკავეს

შსს–ს ცნობით, გურჯაანში 38 წლის გიორგი ყ. განზრახ მკვლელობის ბრალდებით დაააკვეს. 

შსს–ს ინფორმაციით, გამოძიებამ დაადგინა, რომ დაკავებულმა გურჯაანის რაიონში, 43 წლის ავთანდილ ქ-ს საცხოვრებელ სახლთან, ურთიერთშელაპარაკებისას, რეგისტრირებული ცეცხლსასროლი იარაღიდან რამდენჯერმე გაიროლა, რა დროსაც ავთანდილ ქ. შემთხვევის ადგილზე გარდაიცვალა, ხოლო გარდაცვლილის შვილი – 15 წლის ვალერი ქ. და მეზობელი – 61 წლის აკაკი ჩ. დაიჭრნენ. 


შსს–ს ცნობით, გიორგი ყ-მ შემთხვევის ადგილიდან მიმალვა მოახერხა. დაჭრილები გურჯაანის რეფერალურ საავადმყოფოში არიან მოთავსებული და მათი ჯანმრთელობის მდგომარეობა ამ დროისთვის სტაბილურია.

შსს-ს მიერ გავრცელებული ინფორმაცით, კახეთის სამხარეო მთავარი სამმართველოს და გურჯაანის რაიონული სამმართველოს თანამშრომლებმა გიორგი ყ. მომხდარიდან რამდენიმე საათში სოფელ კალაურში დააკავეს. დანაშაულის ჩადენის იარაღი – „მაკაროვის“ სისტემის პისტოლეტი ნივთმტკიცებად ამოიღეს. დაკავებული აღიარებს ჩადენილ დანაშაულს.


გამოძიება განზრახ მკვლელობის ფაქტზე, საქართველოს სისხლის სამართლის კოდექსის 108–ე მუხლით მიმდინარეობს. 

ნეტგაზეთის მასალების სხვა გამოცემებში გადაბეჭდვის წესი
ქეთი მაჭავარიანი