ღვინის ეროვნული სააგენტოს ინფორმაციით, 2019 წლის 6 თვეში, წინა წლის შესაბამის პერიოდთან შედარებით, ექსპორტირებული ღვინის მოცულობა 6%-ით გაიზარდა. 2019 წლის ივნისის ჩათვლით საქართველოდან 40.5 მლნ ბოთლი ღვინო 98 მლნ აშშ დოლარად გაიყიდა.
ქართული ღვინის ექსპორტიორი ქვეყნების ხუთეული
- რუსეთი -25 582 447 ბოთლი
- უკრაინა -3 752 488 ბოთლი
- ჩინეთი – 3 554 127 ბოთლი
- პოლონეთი -1 821 802 ბოთლი
- ყაზახეთი -1656318 ბოთლი
აღსანიშნავია, რომ მიმდინარე წელს რუსეთში ღვინის ექსპორტი 6%-ით არის გაზრდილი. რაც შეეხება სხვა ბაზრებს, ღვინის ეროვნული სააგენტოს ცნობით, აშშ-ში ღვინის ექსპორტი 88%-ით გაიზარდა და 6 თვეში, ჯამში, 354 8 74 ბოთლი ღვინო გაიყიდა. ჩინეთში ღვინის ექსპორტი 19%-ით, ხოლო პოლონეთში – 16%-ით გაიზარდა.
ღვინის ექსპორტი ევროკავშირის ზოგიერთ ქვეყნებშიც გაიზარდა
- საფრანგეთი – 55 908 ბოთლი
- ლიეტუვა – 31 5306 ბოთლი
- ესტონეთი – 326 966 ბოთლი
- გერმანია – 317 771 ბოთლი
ადგილწარმოშობის დასახელებებიდან ყველაზე დიდი რაოდენობით ექსპორტირებულია „ქინძმარაული“, “მუკუზანი“, „წინანდალი“, ახაშენი და „ხვანჭკარა“ .
სააგენტოს ინფორმაციით, 6 თვის მონაცემებით, სხვადასხვა მოცულობის ღვინის ექსპორტი 229-მა კომპანიამ განახორციელა.