კახეთში ავარიაში 2 ადამიანი დაიღუპა, 4 დაშავდა, 2 მძიმედაა — შსს

კახეთში ავტოავარიაში ორი ადამიანი დაიღუპა, ოთხი დაშავდა. დაშავებულებიდან ორის მდგომარეობა მძიმეა, — უთხრეს ნეტგაზეთს შინაგან საქმეთა სამინისტროში.

შსს-ის ინფორმაციით, ავტოავარია 30 ივნისის დილას, სოფელ შიბლიანთან მოხდა — ერთმანეთს მერსედესის მარკის ორი ავტომობილი შეეჯახა.

უწყების ცნობით, გამოძიება სისხლის სამართლის 276-ე მუხლით მიმდინარეობს, რაც გულისხმობს ავტომობილის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ორი ადამიანის სიკვდილი.

მუხლი 6-დან 10 წლამდე პატიმრობას ითვალისწინებს.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com