ახალი ამბებირეკლამა

ვითიბი ბანკის ფინანსური მხარდაჭერით თბილისში ახალი მრავალპროფილური კლინიკა გაიხსნა

5 აპრილი, 2019 • 1423
ვითიბი ბანკის ფინანსური მხარდაჭერით თბილისში ახალი მრავალპროფილური კლინიკა გაიხსნა

ვითიბი ბანკის ფინანსური მხარდაჭერით თბილისში ახალი მრავალპროფილური კლინიკა „ჯერარსი“ გაიხსნა. პროექტის ჯამურმა ღირებულებამ 40 მილიონ ლარზე მეტი შეადგინა. ვითიბი ბანკი პროექტის განხორციელების ყველა ეტაპზე იყო ჩართული. კლინიკა „ჯერარსი“ 12000 კვ.მ ფართობზეა განთავსებული, გათვლილია პაციენტის 208 საწოლზე და შეესაბამება ყველა საერთაშრისო სტანდარტს.

„ვითიბი ბანკისთვის მნიშვნელოვან მიმართულებას წარმოადგენს ჯანდაცვის სფეროს დაფინანსება, მოხარული ვართ, რომ შედგა თანამშრომლობა ბანკსა და კლინიკა „ჯერარსს“ შორის. მსგავსი თანამშრომლობა, ხელს უწყობს გრძელვადიანი პარტნიორული ურთიერთობების ჩამოყალიბებას, რომელიც ერთერთი უმნიშვნელოვანესი ფაქტორია ბიზნესის წარმატებისთის. ახალი კლინიკის გახსნა მნიშვნელოვანია, როგორც ჯანდაცვის სექტორისთვის ასევე ზოგადად ქვეყნის ეკონომიკის განვითარებისთვის და სტიმულირებისთვის. დღეისთვის, აღნიშნული კლინიკა  ერთერთ ყველაზე მასშტაბურ პროექტს წარმოადგენს.“ განაცხადა ვითიბი ბანკის კორპორატიული ბიზნესის დირექტორმა ვლადიმერ რობაქიძემ.

ვითიბი ბანკი,  ვითიბის საერთაშორისო ფინანსური ჯგუფის წევრია. დღეს ვითიბი ჯგუფის ბანკები 20-ზე მეტ ქვეყანაშია წარმოდგენილი. ვითიბი ჯგუფის უნივერსალური მოდელი მოიცავს: კორპორატიულ, საცალო და საინვესტიციო ბიზნესს. საქართველოს მასშტაბით ბანკს 37 ფილიალი აქვს, სადაც კლიენტებს მარტივ, სწრაფ, ინოვაციურ პროდუქტებს და მაღალი  ხარისხის მომსახურებას სთავაზობენ. ყოველწლიურად, ვითიბი ბანკის 1 000–ზე მეტი თანამშრომელი 300,000-მდე კლიენტს ემსახურება.

მასალების გადაბეჭდვის წესი