ნეტგაზეთი | ტუსკის აზრით, ბრექსიტის ხელშემწყობებს ჯოჯოხეთში სპეციალური ადგილი ეკუთვნით ტუსკის აზრით, ბრექსიტის ხელშემწყობებს ჯოჯოხეთში სპეციალური ადგილი ეკუთვნით – Netgazeti

ტუსკის აზრით, ბრექსიტის ხელშემწყობებს ჯოჯოხეთში სპეციალური ადგილი ეკუთვნით

მე მაინტერესებს, როგორ გამოიყურება სპეციალური ადგილი ჯოჯოხეთში მათთვის, ვინც ხელი შეუწყო ბრექსიტს, მისი უსაფრთხოდ განხორციელების ყოველგვარი გეგმის გარეშე, – განაცხადა ევროპული საბჭოს პრეზიდენტმა დონალდ ტუსკმა.

ეს განცხადება მან ირლანდიის პრემიერ-მინისტრ ლეო ვარადკართან შეხვედრის შემდეგ გააკეთა და რამდენიმე წუთში სოციალურ ქსელ Twitter-ში მის ოფიციალურ გვერდზეც აიტვირთა.

ირლანდიასთან საზღვრის საკითხი ბრექსიტის ერთ-ერთი პრობლემური მიმართულებაა. მას შემდეგ, რაც ბრიტანეთის პარლამენტმა მხარი არ დაუჭირა ევროკავშირიდან გავსლის ტერეზა მეისეულ გეგმას, ბრიტანეთის პრემიერ-მინისტრმა მზადყოფნა გამოთქვა, ბრიუსელთან ალტერნატიული შეთანხმების მიღწევაზე მოლაპარაკებები გამართოს. ამასთან, ევროკავშირი თავისი პოზიციის გადახედვას არ აპირებს.

იმ შემთხვევაში, თუ ლონდონი და ბრიუსელი კონსენსუსს ვერ მიაღწევენ, დიდ ბრიტანეთს მოუწევს, 29 მარტს ევროკავშირი შეთანხმების გარეშე დატოვოს.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.