განათლების მინისტრი მიხეილ ბატიაშვილი აცხადებს, რომ სასწავლო პროცესში აქტიურად ჩართული პედაგოგების ხელფასები 1 500 ლარიდან განისაზღვრება.

ახალი სახელფასო პოლიტიკა, მინისტრის თანახმადვე, 2019 წლის შემოდგომიდან შევა ძალაში.

მინისტრ ბატიაშვილის თქმით, ეს ეხება იმ პედაგოგებს, რომლებიც “მთლიანად იქნებიან სასწავლო პროცესში ჩართული”.

განათლების მინისტრმა თქვა, რომ სახელფასო პოლიტიკას, კვალიფიკაციებთან ერთად, სამინისტრო გაზაფხულზე წარმოადგენს.