აშშ-ის შტატ იუტაში 17 წლის მძღოლი, რომელიც თვალებახვეული მართავდა მანქანას, ავტოკატასტროფაში მოჰყვა. შემთხვევის შედეგად არავინ დაშავებულა.
მძღოლი “ნეტფლიქსის” ფილმ “ჩიტის ყუთით” შთაგონებულ გამოწვევაში, Bird Box Challenge-ში იღებდა მონაწილეობას.
“ჩიტის ყუთი” 2018 წლის ბოლოს გამოსული ფილმია, რომელშიც სანდრა ბულოკი ასრულებს მთავარ როლს. ამ პოსტაპოკალიპტური ფილმის სიუჟეტი სანდრა ბულოკის პერსონაჟის გარშემო ვითარდება. იგი ორ მცირეწლოვან შვილთან ერთად ცდილობს ტყისა და მდინარის თვალახვეულად გადალახვას;
პერსონაჟები თვალების ახვევით თავს არიდებენ ზებუნებრივი ქმნილებების შეხედვას — ვინც მათ დაინახავს, თვითმკვლელობით ასრულებს სიცოცხლეს;
აშშ-ში მომხდარი ამ ფაქტის შესახებ ქალაქ ლეიტონის პოლიციამ დაწერა ტვიტერზე. პოლიციამ შეჯახებული მანქანების ფოტოები გამოაქვეყნა ტექსტით: “ბერდ ბოქს ჩელენჯი მანქანის ტარებისას… მოსალოდნელი შედეგია’…
Bird Box Challenge while driving…predictable result. This happened on Monday as a result of the driver covering her eyes while driving on Layton Parkway. Luckily no injuries. pic.twitter.com/4DvYzrmDA2
— Layton Police (@laytonpolice) January 11, 2019
გამოშვების პირველივე კვირაში “ჩიტის ყუთი” ლეგალურად ნეტფლიქსის 45-მა მილიონმა მაყურებელმა ნახა.
წინა კვირას, — მას შემდეგ, რაც ფილმით შთაგონებულმა მაყურებელმა მასობრივად დაიწყო ყოველდღიური საქმეების თვალახვეულად კეთება “ჩელენჯის” (გამოწვევის) გამო, ნეტქლიქსმა მაყურებლები გააფრთხილა, ასეთ გამოწვევებში მონაწილეობას ნუ მიიღებთო.
Can’t believe I have to say this, but: PLEASE DO NOT HURT YOURSELVES WITH THIS BIRD BOX CHALLENGE. We don’t know how this started, and we appreciate the love, but Boy and Girl have just one wish for 2019 and it is that you not end up in the hospital due to memes.
— Netflix US (@netflix) January 2, 2019
“არ მჯერა, რომ ამის თქმა მიწევს, მაგრამ: გთხოვთ, ნუ დაუშავებთ რაიმეს საკუთარ თავს “ბერდ ბოქს ჩელენჯით”. არ ვიცით, ეს როგორ დაიწყო, და კი ვიზიარებთ სიყვარულს [რასაც ფილმის მიმართ გამოხატავთ], მაგრამ ბიჭსა და გოგოს [ასე უწოდებენ ბულოკის შვილებს ფილმში] მხოლოდ ერთი სურვილი აქვთ 2019 წლისთვის — ნუ ამოყოფთ თავს საავადმყოფოებში მემეების გამო”, – დატვიტა ნეტფლიქსმა.
