“არჩევნებამდე პლენარული სხდომები გვქონდა შეჩერებული, ვინაიდან საარჩევნო კანონმდებლობის მიხედვით ერთი თვით ადრე პარლამენტი არ მუშაობს. არის საერთო პოზიცია. ვინაიდან ბევრ რაიონსა და ქალაქში მეორე ტური გრძელდება და მეორე ტურით დაფარული საქართველო არის ნახევარზე მეტი, ჩვენი ამომრჩევლების დაახლოებით ნახევარზე მეტი, ამიტომ პარლამენტის პლენარული სხდომები კვლავ შეჩერდება.” – განაცხადა უსუფაშვილმა.
მისივე თქმით, ამ ხნის მანძილზე კომიტეტები გააგრძელებენ მუშაობას.
პარლამენტის თავმჯდომარის თქმით, ევროკავშირთან ასოცირების ხელშეკრულების რატიფიცირებას კანონმდებლები რიგგარეშე სხდომაზე განიხილავენ ივლისის განმავლობაში.
შეგახსენებთ, რომ ევროკავშირთან ასოცირების ხელშეკრულებას საქართველო 27 ივნისს მოაწერს ხელს, რის შემდეგაც პარლამენტმა უნდა მოახდინოს მისი რატიფიცირება.
