სროლა თბილისში, ვაჟა-ფშაველას გამზირზე — დაწყებულია გამოძიება

თბილისში, ვაჟა-ფშაველას გამზირზე, რესტორან “სტრადასთან” ცეცხლსასროლი იარაღიდან ისროლეს.

შსს-ის ცნობით, სროლაზე გამოძიება დაიწყო სისხლის სამართლის კოდექსის 236-ე მუხლით, რაც ცეცხლსასროლი იარაღის უკანონო შეძენა-შენახვა-ტარებას გულისხმობს.

როგორც ნიკა რურუა, თვითმხილველი, წერს, “სტრადასთან” მდებარე პარკინგის ტერიტორიიდან ერთმა ან რამდენიმე პირმა ცეცხლი გაუხსნა რესტორნის ვერანდაზე მსხდომ ახალგაზრდებს.

მისი ინფორმაციით, სულ ცოტა, ერთი ახალგაზრდა დაიჭრა.

შსს-ში ჯერჯერობით ვერ დაგვიდასტურეს, თუ რამდენი ადამიანია დაშავებული სროლის შედეგად.

ნეტგაზეთი დეტალების გაგებისთანავე შემოგთავაზებთ.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com