2018 წლის საპრეზიდენტო არჩევნებზე ამომრჩეველთა აქტივობამ 46,74% შეადგინა.
ცენტრალური საარჩევნო კომისიის მონაცემებით, არჩევნებში საქართველოს 1 637 956-მა მოქალაქემ მიიღო მონაწილეობა.
ამომრჩეველთა ყველაზე მაღალი აქტივობა – 64.74% – ქედაში დაფიქსირდა, ყველაზე დაბალი კი – 36.47% – მარნეულში.
რაც შეეხება თბილისს, 20:00 საათის მდგომარეობით ამომრჩეველთა აქტივობამ 45.4 % შეადგინა.
აღსანიშნავია, რომ 2013 წლის საპრეზიდენტო არჩევნებში 1 382 017-მა ადამიანმა მიიღო მონაწილეობა და ამომრჩეველთა აქტივობა 46,6%-ს შეადგენდა.