ნეტგაზეთი | მღვდელი ანტიდისკრიმინაციულ კანონზე: აფხაზებს და ოსებს დავკარგავთ ამით მღვდელი ანტიდისკრიმინაციულ კანონზე: აფხაზებს და ოსებს დავკარგავთ ამით – Netgazeti
RU | GE  

მღვდელი ანტიდისკრიმინაციულ კანონზე: აფხაზებს და ოსებს დავკარგავთ ამით

“აფხაზები და ოსები არიან კავკასიური მენტალიტეტის ხალხი. როცა გაიგებენ, რომ ჩვენ ეს კანონი მივიღეთ, სისხლის ბოლო წვეთამდე იბრძოლებენ, რომ ჩვენთან აღარ იყვნენ,”- ეს განცხადება დეკანოზმა დავით (ქვლივიძემ) პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე გააკეთა, სადაც ანტიდისკრიმინაციულ კანონპროექტს განიხილავენ.

დავით ქვლივიძის თქმით, ყველას ღმერთის წინაშე მოუწევს პასუხისგება:

 

“ხალხის და ისტორიის წინაშე მოგვიწევს პასუხისგება. ჩვენ აჩქარებული, დაუფიქრებელი ნაბიჯებით ევროპისკენ კი არ წავალთ, დაშლისკენ წავალთ. ამ კანონით შეიძლება აფხაზები და ოსები საბოლოოდ დავკარგოთ. ახლა ვოცნებობთ მაინც მათთან საუბარზე და მერე ვიღარც ვიოცნებებთ. ისინი იბრძოლებენ, რომ ჩვენთან აღარ იყვნენ. ტაო კლარჯეთში დღეს ქართულად  წირვას რომ გვიშლიან და გვიჭერენ, ოკუპირებულია. მარტო აფხაზეთი არ არის ოკუპირებული და მარტო რუსები არ არიან ოკუპანტები. ტაო-კლარჯეთი საქართველო იყო. კახში, ბელაქანში წირვას ვერ ვატარებთ. ჩვენი უნიათობის ბრალია და ღმერთი რომ დავივიწყეთ, იმის ბრალია. ღმერთმა დაგვსაჯა ამის გამო.”

 

პარლამენტმა ანტიდისკრიმინაციული კანონპროექტი პირველი მოსმენით უკვე მიიღო, ხვალ მეორე მოსმენით უნდა მიიღოს. აღნიშნული კანონის მიღება აუცილებელია ევროკავშირთან ვიზების ლიბერალიზაციის კუთხით. გუშინ საპატრიარქომ მოუწოდა პარლამენტს, გადადოს აღნიშნული კანონპროექტის განხილვა.

ნეტგაზეთის მასალების სხვა გამოცემებში გადაბეჭდვის წესი
გივი ავალიანი