ამის შესახებ გელაშვილმა მედიასთან კომენტარი პროკურატურაში სტუმრობის შემდეგ გააკეთა.
“ვიყავი პროკურატურაში და პირადი დაცვა მოვითხოვე. პარასკევს კიდევ მივალ და იმ ჯგუფს გამაცნობენ, რომელიც ჩემი პირადი დაცვა იქნება. მე ვიცი, რომ რამდენიმე თანამდებობის პირს ბრალს წაუყენებენ. ერთი ვიცი, რომ ერეკლე კოდუა იქნება, ვანო მერაბიშვილს კი ბრალი დაუმძიმდება, რადგან კოდუას დავალება მერაბიშვილმა მისცა, მერაბიშვილს კი, სააკაშვილმა”, – განაცხადა გელაშვილმა.