ახალი ამბები

არის თუ არა ზურაბიშვილისთვის 20 ათასის შემწირველი ექიმი მისი მხარდამჭერი

8 ოქტომბერი, 2018 • 2238
არის თუ არა ზურაბიშვილისთვის 20 ათასის შემწირველი ექიმი მისი მხარდამჭერი

ნიკოლოზ კინტრაია ჩაჩავას კლინიკის გინეკოლოგიური სექტორის ხელმძღვანელი და სალომე ზურაბიშვილის ერთ-ერთი შემწირველია. მან “ქართული ოცნების” მიერ  მხარდაჭერილ კანდიდატს 20 ათასი ლარი შესწირა. დღეს, 8 ოქტომბერს კი საკუთარ ფეისბუკ გვერდზე პოსტი დაწერა, სადაც განმარტა, რომ სალომე ზურაბიშვილის ამომრჩეველი არ არის.

„ბოლო ორი დღის განმავლობაში ძალიან ბევრი მეგობარი და ჩემთვის ძვირფასი ადამიანი დამიკავშირდა, ისინი, ვისაც ჩემზე გული შესტკივა და მაფასებს .მათ შორის ისეთებიც, ძალიან დიდი ხანი რომ არ მინახავს. მათ მიერ დასმული კთხვები გავაერთიანე და მინდა ყველას ერთად გავცე პასუხი
1. პრეზიდენტის არჩევნებზე ვაპირებ მისვლას?–ვაპირებ
2. ხმას სალომე ზურაბიშვილს ვაძლევ?– არა
3. ვის მივცემ ხმას?-დაველოდები საარჩევნო კომპანიის დამთავრებას და მერე გადავწყვეტ. ჯერ დრო ბევრია
4. ამას გულწრფელად ვამბობ?-დიახ,” – წერდა კინტრაია საკუთარ ფეისბუკ გვერდზე.

აღნიშნული პოსტი, რომელიც ფეისბუკ გვერდზე გამოქვეყნდა, საჯარო იყო ანუ მისი ნახვა ნებისმიერ მსურველს შეეძლო. თუმცა ამ დროისთვის [17:35] პოსტი გაქრა. ნეტგაზეთმა სცადა ექიმთან დაკავშირება, თუმცა მან ჩვენს კითხვებს არ უპასუხა.

მასალების გადაბეჭდვის წესი