ნეტგაზეთი | Cathay Pacific-ის თვითმფრინავზე დაწერილ ავიაკომპანიის სახელში ერთი ასო გამორჩათ Cathay Pacific-ის თვითმფრინავზე დაწერილ ავიაკომპანიის სახელში ერთი ასო გამორჩათ – Netgazeti

Cathay Pacific-ის თვითმფრინავზე დაწერილ ავიაკომპანიის სახელში ერთი ასო გამორჩათ

სტატიის წერისას ტექსტში ან სათაურში ერთი ასოს გამორჩენა ჟურნალისტებისთვის ერთ-ერთი ყველაზე მტკივნეული შეცდომაა, რადგან ვისაც არ ეზარება, ყველა ამაზე მიგითითებს. შენც სიმწრით იხდი ბოდიშს, შემდეგ მადლობას ეუბნები,  ბოლოს კი შეცდომას მარტივად, წამებში ასწორებ. თუმცა მსგავსი შეცდომა არც ისე მარტივი გამოსასწორებელია, როდესაც საქმე ეხება უზარმაზარი თვითმფრინავის, Boeing 777-ის გარე ზედაპირზე დაწერილ ავიაკომპანიის სახელში ასოს გამორჩენას. სწორედ მსგავსი შეცდომა მოუვიდა ავიაკომპანია Cathay Pacific-ს, რომლის თვითმფრინავსაც Cathay Paciic დააწერეს.

რეალურად, ასე გამოიყურება Cathay Pacific-ის წარწერა შეცდომის გარეშე

ავიაკომპანიამ ტვიტერზე დაწერა, რომ ეს “სპეციალური წარწერა” თვითმფრინავზე დიდხანს არ იქნება და შეცდომას მალე გამოასწორებენ.

თვითმფრინავზე გამორჩენილი “F” იმ დროს შეამჩნიეს, როდესაც  ჩინეთიდან ჰონკონგში ჩაფრინდა. ფოტოებმა დაუყონებლოვ მოიცვა სხვადასხვა სოციალური ქსელი, განსაკუთრებით კი აზიელ მომხმარებელებში უკვე მეორე დღეა ხუმრობის ერთ-ერთი მთავარი თემაა.

ნეტგაზეთის მასალების სხვა გამოცემებში გადაბეჭდვის წესი
ავტორი
თაზო კუპრეიშვილი არის "ნეტგაზეთის" რედაქტორი 2018 წლის პირველი თებერვლიდან.