ქუთაისის საკრებულოს დეპუტატებმა იჩხუბეს

იმერეთის ახალი ამბების სააგენტოს, Imereti.news-ის ცნობით, ქუთაისის საკრებულოს სხდომის დაწყებამდე დეპუტატები ერთმანეთს სიტყვიერად დაუპირისპირდნენ, რასაც “სისხლიანი გარჩევა” მოჰყვა.

“ნეტგაზეთი” ელოდება პასუხს შსს-სგან, დაწყებულია თუ არა მომხდარზე გამოძიება.

IPN-ის ინფორმაციით, “ოცნების” დეპუტატები, ამირან კოპალეიშვილი და იმედა საღინაძე, თავს დაესხნენ გია უკლებას და გიგა შუშანიას, რომლებიც “ნაციონალური მოძრაობის” წარმომადგენლები არიან.

მათივე ცნობით, დაპირისპირება უკავშირდება მერიის მიერ დაშვებულ შეცდომას — გუშინ მათ არაზუსტად დაასახელეს ქუთაისში მდებარე ერთ-ერთი სკვერი. სკვერი იაკობ ნიკოლაძის სახელს ატარებს, მერიამ და უშუალოდ მერმა კი გაავრცელეს ინფორმაცია, თითქოს ნიკო ნიკოლაძის სკვერში დაამონტაჟეს განათებები, ამის გამო ოპოზიციონერმა დეპუტატებმა მერიას საკუთარი ქალაქის ისტორიის შესწავლისკენ მოუწოდეს, წერს “ინტერპრესნიუსი“.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com