ნეტგაზეთი | ბორჯომში ხის უკანონო ტრანსპორტირების ფაქტები გამოვლინდა ბორჯომში ხის უკანონო ტრანსპორტირების ფაქტები გამოვლინდა – Netgazeti
RU | GE  
ხის უკანონო ტრანსპორტირება ბორჯომში. ფოტო: გასრემოსდაცვით ზედამხედველობის დეპარტამენტი

ბორჯომში ხის უკანონო ტრანსპორტირების ფაქტები გამოვლინდა

გარემოსდაცვითი ზედამხედველობის დეპარტამენტის თანამშრომლებმა ბორჯომის მუნიციპალიტეტში ხე-ტყის უკანონო ტრანსპორტირების 2 შემთხვევა გამოავლინეს. ამის შესახებ ინფორმაციას დეპარტამენტის პრესსამსახური ავრცელებს.

უწყების ცნობით, სოფელ გუჯარეთის მიმდებარედ გაჩერებულ ავტომანქანებზე, ჯამში, 11 მ3 წიფლის სახეობის დაჭრილი ხის მასალა იყო განთავსებული.  მძღოლმა მისი კანონიერების დამადასტურებელი დოკუმენტაცია ვერ წარმოადგინა, რის შემდეგაც ავტომანქანები დაილუქა.

გარემოსდაცვითი დეპარტამენტის თანამშრომლებმა ოქმები შეადგინეს ადმინისტრაციულ სამართალდარღვევათა კოდექსის 66–ე და 128–ე მუხლებით, რაც 2 000 ლარის ოდენობით ჯარიმას ითვალისწინებს.

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან