თბილისის ყოფილ იპოდრომზე ხეებს ჭრიან. სამუშაოებს თბილისის მერია აწარმოებს და კარტოზია-ცინცაძის ქუჩების კვეთაზე მიმდინარე სატრანსპორტო კვანძის, იგივე ესტაკადის მშენებლობას უკავშირდება.
თბილისის მერის, კახა კალაძის ცნობით, პროექტის ღირებულება 2 მლნ 700 ათასი ლარია, ხოლო სამუშაოები ხუთი თვის განმავლობაში გაგრძელდება.
მერიის ცნობით, დღეს ნებართვის საფუძველზე იჭრება 7 ხე. უწყება აცხადებს, რომ საპირწონედ გადაირგო 123 ფოთლოვანი და 51 მცირე ზომის წიწვოვანი ხე, ხოლო სხვლა-ფორმირება ჩაუტარდა 6 ხეს და დაირგო 140 ხე.
ყოფილი იპოდრომის ტერიტორიაზე ესტაკადისთვის ხეებს ჭრიან. ვიდეო ნეტაგზეთს ერთ-ერთმა მოქალაქემ მიაწოდა.
“მოგეხსენებათ, ცინცაძე-კარტოზიას ქუჩების კვეთაზე მიმდინარეობს სატრანსპორტო კვანძის მოწყობის სამუშაოები. ამ მიზნით, დღეს ნებართვის საფუძველზე იჭრება 7 ხე.
იმისათვის, რომ ხელი არ შეშლოდა სამუშაოებს, გადაირგო 123 ფოთლოვანი და 51 მცირე ზომის წიწვოვანი ხე, სხვლა-ფორმირება ჩაუტარდა 6 ხეს, ასევე დაირგო 140 ხე”, – აცხადებენ მერიაში.Posted by netgazeti.ge on Friday, July 27, 2018
