მძღოლი, რომელიც დღეს თბილისში, თამარ მეფის გამზირზე მანქანით ამოტრიალდა, 250 ლარით დაჯარიმდა. ამის შესახებ ნეტგაზეთს შსს-დან აცნობეს.
“თამარ მეფე-აღმაშენებლის გამზირების კვეთაზე ავტომანქანამ მანევრირების წესები დაარღვია, ბორბლით დაეჯახა გზის გამყოფ ბორდიურს (იგივე კუნძულს) რის შედეგადაც ამობრუნდა”, – გვითხრეს შსს-ში.
მომხდარის შედეგად არავინ დაშავებულა.
“შეჯახება გაფორმდა ადმინისტრაციული წესით და დაჯარიმდა მძღოლი 250-ლარიანი ჯარიმით”.
