საქართველოს პრემიერ-მინისტრის, მამუკა ბახტაძის თქმით, ჭუბერში მომხდარი სტიქიის შედეგად დაზარალებულებს ზარალი სრულად აუნაზღაურდებათ.
პრემიერის თქმით, ამჟამად სტიქიის შედეგად მიყენებულ ზარალს ითვლიან და ამ პროცესის დასრულების შემდეგ ყველა დაზარალებულს მიყენებული ზიანი აუნაზღაურდება:
„ამ სტიქიამ კიდევ ერთხელ დაგვანახა, რომ აუცილებელია ადრეული შეტყობინების სისტემების დანერგვა, რათა შევამციროთ სტიქიისგან მიღებული ზარალის მოცულობა და უფრო ეფექტიანად შევძლოთ სტიქიებთან ბრძოლა. მაქსიმალურად მოკლე დროში ჩვენ სრულად აღვადგენთ დაზიანებულ ინფრასტრუქტურას,“- განაცხადა პრემიერმა.