შინაგან საქმეთა სამინისტროს ინფორმაციით წუხელ, 14 ივნისს, მუხაესტატეს პოლიციის განყოფილების უფროსი მოკლეს. სამინისტროში გვითხრეს, რომ დაკავებულია ერთი პირი და გამოძიება დაიწყო 108-ე მუხლით, რაც განზრახ მკვლელობას გულისხმობს.
როგორც „ბათუმელებს“ ქობულეთის საკრებულოს წევრმა ბონდო თედორაძემ უთხრა, სოფელ მუხაესტატეს პოლიციის უფროსი იმ დროს მოკლეს, როცა ის თავის მოვალეობას ასრულებდა.
წუხელ ქობულეთში, დენდროლოგიურ პარკში ხე გადაჰქონდათ. პოლიცია ხეს მიაცილებდა. სწორედ ამ დროს მოხდა მკვლელობა. მკვლელობაში ბრალდებული სოფელ მუხაესტატეს მცხოვრებია. როგორც სოფელში ამბობენ, პოლიციის უფროსს დანა გულის არეში ჩაარტყეს. პოლიციის უფროსი ქობულეთში, საავადმყოფოში გარდაიცვალა.
