ძეგლის გახსნის საზეიმო ცერემონიაში სომხეთის პრეზიდენტი სერჟ სარქსიანი მონაწილეობდა. ანალოგიური ძეგლი 1997 წელს მოსკოვის ცენტრში დაიდგა.
ერევანში დადგმული ძეგლის სიმაღლეა 4,5 მეტრი და ნაცრისფერ-თეთრი გრანიტითაა შესრულებილი.
რუსეთის პრეზიდენტი ოფიციალური ვიზიტით სომხეთს დღეს, 2 დეკემბერს ეწვევა და რამდენიმე ღონისძიებას დაესწრება გიუმრსა და ერევანში. სომხეთში პუტინი მოინახულებს რუსეთის 102-ე სამხედრო ბაზასაც. დაგეგმილია ორმხრივი შეხვედრა სარქსიანსა და პუტინს შორის, სადაც საუბარი იქნება 3 სექტემბერს მიღწეული შეთანხმების განხილვაზე, რომელიც ეხება სომხეთის გაწევრიანებას ევრაზიის საბაჟო კავშირში.
