კომიტეტის თავმჯდომარემ ეკა ბესელიამ საპროცედურო საკითხთა და წესების კომიტეტს უმცირესობის დეპუტატის, მარიამ საჯაიას გაცდენების შესახებ ინფორმაცია მოსთხოვა:
„კომიტეტის იმ წევრების მიმართ, რომლებიც სხდომას უკვე მერამდენედ არ ესწრებიან, გვქონდა რამდენიმე შემთხვევა, როდესაც არასაპატიოდ ჩავუთვალეთ გაცდენა. იმ წევრების მიმართ, რომლებიც მუდმივად აცდენენ სხდოემებს, რეგლამენტით გათვალისწინებულის სხვადასხვა სანქციები, ფულადი ჯარიმები,“-აღნიშნა ბესელიამ.
გედევან ფოფხაძის თმით, გაცდენები პარლამენტის მუშაობას გარკვეულ პრობლემებს უქმნის და თუ ამ მხრივ რაიმე საკანონმდებლო ხარვეზი არსებობს, ის უნდ აღმოიფხვრას:
„სისტემატური გაცდენები კომიტეტის მუშაობას და საერთოდ პარლამენტის მუშაობას გარკვეულ პრობლემებს უქმნის. ჩემი წინადადება იქნებოდა, რომ მიგვემართა საპროცედურო კომიტეტისათვის და თუ რამე საკანონმდებლო ხარვეზია, გამოვასწოროთ, იმიტომ, რომ ჯერ ერთი -ადამიანი რომ ხვდება პარლამენტში, მას სწავლა დამთავრებული უნდა ჰქონდეს, ამის პარალელურ რეჟიმში სწავლა არ არის გამართლება იმისა, რომ ეს ადამიანი სხდომებზე აღარ დადის,“ -აღნიშნა ფოფხაძემ.
საპარლამენტო უმცირესობის წევრი მარიამ საჯაია აშშ-ში იმყოფება, სადაც სწავლას აგრძელებს, თუმცა საქართველოს ბიუჯეტიდან დეპუტატისთვის გათვალისწინებულ სარგოს ისევ ღებულობს.
