კომუნიკაციების კომისიაში განმარტავენ, რომ არჩევნების დღეს აკრძალულია აგიტაცია, თუმცა იქვე აზუსტებენ, რომ ტელევიზიებს გაუჭირდებოდათ იმის პროგნოზირება, თუ რას იტყოდა პრემიერი ივანიშვილი პირდაპირ ეთერში.

“კომისია იმსჯელებს ამ საკითხზე და სამართლებრივი შეფასების შემდეგ გახდება ცნობილი, მოხდება მაუწყებლის გაფრთხილება ქცევის კოდექსის დარღვევისთვის, თუ ფინანსური სანქცირება,” – განმარტავენ კომუნიკაციების კომისიაში.