კანონპროექტის თანახმად, რომლის ავტორი საქართველოს მთავრობაა, იცვლება პროფესიულ საგანმანათლებლო პროგრამებზე სტუდენტთა ჩარიცხვის და დაფინანსების წესი. ერთიანი ეროვნული პროფესიული გამოცდების ჩატარების შესახებ დებულებას დაამტკიცებს საქართველოს განათლებისა და მეცნიერების მინისტრი, ხოლო დაფინანსების წესსა და პირობებს დაადგენს საქართველოს მთავრობა. გარდა ამისა, კანონპროექტით რეგულირდება იმ პროფესიული საგანმანათლებლო დაწესებულებების ავტორიზაციის საკითხი, რომელთაც ავტორიზაცია 2013 წელს უნდა გაევლო.