საქართველოს პარლამენტის რეგიონული პოლიტიკისა და თვითმმართველობის, დარგობრივი ეკონომიკისა და ეკონომიკური პოლიტიკის, განათლების, მეცნიერებისა და კულტურის კომიტეტების გაერთიანებულ სხდომაზე დეპუტატებმა საქართველოს მთავრობის მიერ საკანონმდებლო ინიციატივის წესით წარმოდგენილ  საქართველოს კანონის პროექტებზე – “კულტურული მემკვიდრეობის შესახებ“ საქართველოს კანონში ცვლილების შეტანის თაობაზე“, “ლიცენზიებისა და ნებართვების შესახებ“  საქართველოს კანონში ცვლილების შეტანის თაობაზე“ და “საქართველოს დედაქალაქის – თბილისის შესახებ“ საქართველოს კანონში ცვლილების შეტანის თაობაზე“ იმსჯელეს. 

საპირისპირო ვარიანტზე საუბრობს კულტურის მინისტრის მოადგილე მარინე მიზანდარი, რომელიც დღეს გამართულ მოსმენაზე ძირითადი მომხსენებელი იყო. მისი მტკიცებით, კომიტეტებს რაიმე გასათვალისწინებელი შენიშვნა არ მიუციათ:

“შენიშვნები უფრო არა, შიშები იყო გამოთქმული. იყო შეკითხვები, დაემუქრება თუ არა კანონპროექტი თვითმმართველობის განვითარებას, იყო შეკითხვა, თუ რას ნიშნავს დაცვის ზონაში ნებართვის გაცემა და როგორ შეიძლება გაცემა. მთელი საკითხები იყო, რომლებსაც უფრო კითხვის ფორმა ჰქონდა. შენიშვნა, როგორც ასეთი, გასათვალისწინებელი არ გამოთქმულა. “

მისივე განმარტებით, აღნიშნული კანონპროექტი სამინისტროსთვის ძველი უფლებამოსილების დაბრუნებას ითვალისწინებს:

“ინიციატივა გულისხმობს იმას, რომ ის უფლებამოსილება, თბილისის ტერიტორიაზე კულტურული მემკვიდრეობის მართვის, რომელიც გააჩნდა კულტურისა და ძეგლთა დაცვის სამინისტროს და რომელიც წაერთვა 2009 წელს, დროებით კვლავ დაუბრუნდეს სამინისტროს.”