“იგი ბრალს არ აღიარებს და მას არც ერთ ნაწილში არ ეთანხმება. ჩვენ მიგვაჩნია, რომ ეს ბრალდება უსაფუძვლოა. ვანო მერაბიშილი აცხადებს, რომ მის მიმართ მიმდინარეობს პოლიტიკური დევნა”, – აღნიშნა ადვოკატმა.
როგორც ცნობილია, ვანო მერაბიშვილს სანდრო გირგვლიანის საქმეზე ბრალი წარედგინა სისხლის სამართლის კოდექსის 332-ე მუხლის მეორე ნაწილით, რაც გულისხობს სამსახურებრივი უფლებამოსილების ბოროტად გამოყენებას.
პროკურატურის განცხადებით, ეს გამოიხატა მერაბიშვილის მიერ განხორციელებულ განზრახ ქმედებათა ერთობლიობაში. გირგვლიანის წინააღმდეგ ჩადენილი დანაშაულისა და დამნაშავეების შესახებ არსებული ინფორმაციის დაფარვა-შეცვლის მიზნით გამოძიების ინსცენირებასა და მტკიცებულებების ფალსიფიკაციაში, ასევე, დანაშაულის წახალისებასა და ბრალდებულთა მიმართ გამოხატულ ფარულ მხარდაჭერაში, მათი სასჯელის მოხდის პერიოდში პრივილეგიების უზრუნველყოფისათვის, ასევე, მათი სასჯელიდან ვადაზე ადრე გათავისუფლების ხელშეწყობაში.