ახალი ამბები

Facebook მექსიკაში მიწისძვრით დაზარალებულებს 1 მლნ აშშ დოლარით დაეხმარება

21 სექტემბერი, 2017 • 1909
Facebook მექსიკაში მიწისძვრით დაზარალებულებს 1 მლნ აშშ დოლარით დაეხმარება

Facebook  მექსიკაში მიწისძვრის შედეგად დაზარალებულთა დასახმარებლად 1 მილიონ დოლარს მექსიკის წითელ ჯვარში გადარიცხავს. მექსიკის წითელი ჯვარი საერთაშორისო წითელ ჯვარში შემავალი ორგანიზაციაა.

“ვფიქრობ მექსიკაში მიწისძვრით დაზარალებულ ყველა ადამიანზე. facebook 1 მილიონი დოლარით დაეხმარება მექსიკის წითელ ჯვარს. ჩვენ ასევე ვთანამშრომლობთ UNICEF-თან. მადლობას ვუხდი ყველას, რომლებიც ამ ადამიანებს ეხმარებიან,”-წერს facebook-ის დამფუძნებელი მარკ ცუკერბერგი.

მექსიკაში 7.1 მაგნიტუდის დამანგრეველი მიწისძვრა 19 სექტემბერს მოხდა. ბოლო მონაცემებით,  დამანგრეველ მიწისძვრას 200-ზე მეტი ადამიანი ემსხვერპლა. მიწისძვრის შედეგად, როგორც მექსიკის დედაქალაქში, ისე ქვეყნის რამდენიმე შტატში, ათეულობით შენობა, გზები და ესტაკადები დაინგრა.

 

მასალების გადაბეჭდვის წესი