ახალი ამბები

ჩვილ და სკოლამდელი ასაკის ბავშვთა საკვები ტრანსცხიმებს არ უნდა შეიცავდეს – მთავრობის დადგენილება

22 ივნისი, 2017 • 2242
ჩვილ და სკოლამდელი ასაკის ბავშვთა საკვები ტრანსცხიმებს არ უნდა შეიცავდეს – მთავრობის დადგენილება

მთავრობის დადგენილების მიხედვით, სურსათში ტრანსცხიმის შემცველობა 100 გრამ მცენარეულ ცხიმში არ უნდა აღემატებოდეს 2 გრამს, ხოლო ჩვილ ბავშვთა და სკოლამდელი ასაკის ბავშვთა კვებისთვის განკუთვნილი სურსათი ტრანსცხიმს არ უნდა შეიცავდეს.

ამას ითვალისწინებს „სურსათში ტრანსცხიმის ნორმის განსაზღვრის შესახებ“ საქართველოს მთავრობის #262 დადგენილება, რომელიც 2017 წლის პირველ აგვისტოს შედის ძალაში.

აღნიშნული დადგენილებით განსაზღვრულ მოთხოვნებთან შეუსაბამობის შემთხვევაში,  ბიზნესოპერატორი ვალდებულია სურსათი ამოიღოს რეალიზაციიდან და გაანადგუროს,    წინააღმდეგ შემთხვევაში, დაჯარიმდება 1000 ლარით.

ტრანსცხიმის ნორმის განსაზღვრის მიზნით, მიმდინარე წელს სურსათის ეროვნული სააგენტო ლაბორატორიული კვლევისთვის 136 ნიმუშს აიღებს.

ტრანსცხიმი არის ცხიმოვანი მჟავა, რომელიც წარმოიქმნება საწარმოო პროცესში ცხიმების ნაწილობრივი ჰიდროგენიზაციის დროს. ხშირად იყენებენ რძის შემცველ პროდუქტებში, მაგალითად, მარგარინში, სპრედში, ნაყინში, საკონდიტრო ნაწარმში, სწრაფი კვების პროდუქტებში და სხვა.

ვრცლად ტრანსცხიმის შესახებ ცნობებს გაეცანით აქ.

მასალების გადაბეჭდვის წესი