“უმრავლესობა ჩამოყალიბებულია ამ საკითხში, ჩვენ ვფიქრობთ, რომ რეიტინგული კენჭისყრის ჩატარების სამართლებრივი საფუძველი არ არსებობს, არც მიზანშეწონილი არ არის. აქედან გამომდინარე, რახან არც სამართალი და არც მიზანი არ ემსახურება ამ ახირების დაკმაყოფილებას, ჩვენ ვფიქრობთ, რომ ჩვენ 21 მარტს ჩავატაროთ არსებითი ხასიათის კენჭისყრა, რომელსაც მოჰყვება სამართლებრივი შედეგები.
სარეიტინგო კენჭისყრის ჩატარება ეს არის პარლამენტის თავმჯდომარის უფლება, ისიც იმ შემთხვევაში, თუ არსებობს ალტერნატიული ვარიანტები, საიდანაც პარლამენტის წევრებს მოუწევთ ამორჩევა, რომელი უფრო პერსპექტიულია. ალტერნატიული ვარიანტები არ არსებობს, აქედან გამომდინარე არ არსებობს სარეიტინგო კენჭისყრის ჩატარების სამართლებრივი საფუძველი. ხოლო მეორე მიზეზი, ის მიზანშეწონილი არ არის იმის გამო, რომ ნაციონალური მოძრაობა ცდილობს ისე მოაჩვენოს სიტუაცია, თითქოს ჩვენ გვიჭირს ამ საკითხის გატანა”, – განაცხადა ზაქარია ქუცნაშვილმა ტელეკომპანია “რუსთავი 2”–თან საუბრისას.
საკონსტუტიციო ცვლილებების კენჭისყრა 21 მარტს გაიმართება.
