ეკონომიკის მინისტრი არ პასუხობს, თუ ვინ დანიშნა გიორგი ჩრდილელი “თბილავიამშენში”

კითხვაზე, თუ უშუალოდ ვისი რეკომენდაციით და გადაწყვეტილებით დაინიშნა გიორგი ჩრდილელი ამ თანამდებობაზე, ეკონომიკის მინისტრი არ პასუხობს: 

“თბილავიამშენში”, სახელმწიფო შპს–ში ის დაინიშნა ერთ-ერთ დირექტორად, თავს შევიკავებ განსაკუთებული კომანტარისაგან. ვგეგმავთ კომპანიის განვითრებას. გეგმა არის. არსებული კონტრაქტები გრძელება. ვმუშაობთ სხვადასხვა ქვეყნებთან ახალი კონტრაქტების გასაფორმებლად.”  

ოფიციალური დოკუმენტაციით ირკვევა, რომ გიორგი ჩრდილელი აღნიშნულ თანამდებობაზე ეკონომიკის სამინისტროს დაქვემდებარებული სსიპ–ის, სახელმწიფო ქონების ეროვნული სააგენტოს თავმჯდომარის, დიმიტრი ქუმსიშვილის 25 თებერვლის ბრძანების საფუძველზეა დანიშნული. თავად ქუმსიშვილი კი მინისტრ გიორგი კვირიკაშვილის მოადგილეა.

საჯარო რეესტრის 2013 წლის 26 თებერვლის ამონაწერის მიხედვით, ამავე დროიდან შპს „თბილავიამშენის“ აღამსრულებელ დირექტორად გიორგი ჩრდილელი ფიგურირებს.

საქართველოს ეკონომიკისა და მდგრადი განვითარების მინისტრი გიორგი კვირიკაშვილი „ქართუ ჯგუფის“ ყოფილი პრეზიდენტის, გიორგი ჩრდილელის საქმიანი პარტნიორი იყო წლების განამვლობაში.

“თქვენმა აგენტმა ჯერ არ იცის, რომ გაშიფრულია. იგი ამას დღეს გაზეთებიდან გაიგებს. ის კარგი ფინანსისტია, წაიყვანეთ, გამოგადგებათ. „ქართუ ჯგუფის“ პრეზიდენტზე, გიგა ჩრდილელზე ვლაპარაკობდი”, – განაცხადა ივანიშვილმა 12 ოქტომბერს გავრცელებულ წერილში.

წერილის გამოქვეყნების შემდეგ, 12 ოქტომბრიდან, ჩრდილელი “ქართუ ბანკის” ოფისში აღარ მისულა და დაკავებული თანამდებობაც დატოვა. თანამდებობები ასევე დატოვეს “ქართუ ბანკის” დირექტორთა საბჭოს წევრებმა – გიორგი კვირიკაშვილმა და დიმიტრი ქუმსიშვილმა.