საზოგადოებრივი მაუწყებელი ახალი სეზონისთვის გადაცემების შესარჩევად გამოცხადებული კონკურსის მესამე ტურში გადასული პროექტების სიას აქვეყნებს. გადაცემების შესარჩევი კონკურსის მესამე ტურში სულ 15 პროექტი გადავიდა.
“ნეტგაზეთი” გთავაზობთ ამ პროექტების ჩამონათვალს მიმართულებების მიხედვით:
მიმართულება: სოციალური, სოციალური თოქ-შოუ
1. ქეთევან კაპანაძე „რეალური სივრცე“
2. გიორგი ჭანტურია „სოციალური კლუბი“
მიმართულება: კულტურა
კულტურულ-შემეცნებითი გადაცემა
1. ალექსანდრე ცაგარელი; გურამ სულთანიშვილი „მითები და სტერეოტიპები“
2. გიორგი ასანიშვილი „ნაცნობი მელოდიები“
3. ნაჯა ორაშვილი, ნიკო ნიკოლაძე – „კიმონო“
კულტურის სიახლეების მიმოხილვა
1. თეონა ჯორბენაძე „Modem/Art“
მიმართულება: შემეცნებით-საგანმანათლებლო
ჯანსაღი ცხოვრება
1. მარი მალაზონია – „პირადი ექიმი – მარი მალაზონია“
სოფლის მეურნეობა
2. თამარ ბოლქვაძე „ფერმა“
ისტორია/ლიტერატურა/მეცნიერება
1. ნინო ნანიტაშვილი „ოკულარი“
2. ვასილ ჯანიკაშვილი „მკითხველთა კლუბი“
მიმართულება: საბავშვო-ახალგაზრდული
საბავშვო შემეცნებითი გადაცემა
1. დალი ხოჯავა „სუპერ გმირი“
საბავშვო-ახალგაზრდული შემეცნებითი გადაცემა
1. ნინო კელაურიძე „წიგნების თარო“
2. გიორგი ჩანჩიბაძე „მხიარული სტარტები“
3. თამარ ციციშვილი – „ხარ თუ არა მეხუთეკლასელზე ჭკვიანი?!“
მიმართულება: შემეცნებით-გასართობი
კულინარიული შოუ
1. ნინო გოგოლაური „გურმანია“
მას შემდეგ, რაც საზოგადოებრივ მაუწყებელზე გადაცემების შესარჩევი კონკურსი გამოცხადდა, GPB-მ სულ 153 პროექტი მიიღო, რომელთაგან მეორე, გასაუბრების ეტაპი 37-მა გადალახა. მესამე ეტაპზე გადასულმა კანდიდატებმა კომისიის წევრებს უნდა წარუდგინონ გადაცემის საპილოტე ვერსია, ივნისის შუა რიცხვებში კი გამარჯვებული პროექტები გამოვლინდება, რომლებიც ახალი სამაუწყებლო სეზონიდან გავა ეთერში.
საზოგადოებრივ მაუწყებელის სამეურვეო საბჭომ 7 მარტს მხარი დაუჭირა მენეჯმენტის მიერ წარდგენილ ცვლილებებს, რომლის მიხედვითაც არსებული გადაცემები მაუწყებლის ეთერში მხოლოდ 2017 წლის 17 ივლისამდე დარჩება, სექტემბრიდან კი ახალ სეზონს მაუწყებელი განახლებული საეთერო ბადით გააგრძელებს.