ნეტგაზეთი | კასპის საკრებულოში მომხდარი ფიზიკური დაპირისპირების გამოძიება დაიწყო კასპის საკრებულოში მომხდარი ფიზიკური დაპირისპირების გამოძიება დაიწყო – Netgazeti

კასპის საკრებულოში მომხდარი ფიზიკური დაპირისპირების გამოძიება დაიწყო

საქართველოს შინაგან საქმეთა სამინისტროს პრესსამსახურის ცნობით, დღეს, 23 იანვარს, კასპის საკრებულოში საკრებულოს თავმჯდომარისთვის ფიზიკური შეურაცხყოფის მიყენების ფაქტთან დაკავშირებით კასპის პოლიციაში დაკითხვაზე იმყოფება მოქალაქე ვახტანგ პაპაშვილი.

სამართალდამცავ უწყებაში აცხადებენ, რომ ინციდენტზე დამატებით ინფორმაციას მოწმეთა დაკითხვის შემდეგ მოგვაწვდიან. 

 

შიდა ქართლის საინფორმაციო ცენტრის ინფორმაციით, ვახტანგ პაპაშვილი “ქართული ოცნების” წევრია, ხოლო ფიზიკური შეურაცხყოფა კასპის მუნიციპალიტეტის საკრებულოს თავმჯდოამრეს დავით მესროფაშვილს სწორედ “ქართული ოცნების” აქტივისტებმა მიაყენეს.

 

“საკრებულოს სხდომას კოალიცია ,,ქართული ოცნების” 40-მდე აქტივისტი ესწრებოდა. აქტივისტები საკრებულოს თავმჯდომარის გადადგომას მოითხოვდნენ და აცხადებდნენ, რომ საკრებულოს თავმჯდომარე დავით მესროფაშვილი არ უნდა ყოფილიყო ამ თანამდებობაზე.


ინციდენტი მაშინ დაიწყო, როდესაც სოფელ აღაიანში მცხოვრები ,,ქართული ოცნების” აქტივისტი სოფელში სასმელი წყლის უქონლობას დავით მესროფაშვილს აბრალებდა. მისმა თანასოფლელმა საკრებულოს დეპუტატმა ოთახიდან მისი გაყვანა სცადა. ამას მოჰყვა შეხლა- შემოხლა და დაიწყო ჩხუბი. ვინ ვის ურტყამდა, ვეღარ იგებდნენ”, – წერს შიდა ქართლის საინფორმაციო ცნეტრი. მედიასაშუალების ცნობით, ინციდენტის შედეგად ფიზიკური დაზიანება სახის არეში აღენიშნება დავით მესროფაშვილს.


“ნეტგაზეთი” შეეცადა დაკავშირებოდა დავით მესროფაშვილსა და მის მოადგილეს, თუმცა ამ ეტაპზე ეს ვერ მოხერხდა.

ნეტგაზეთის მასალების სხვა გამოცემებში გადაბეჭდვის წესი
netgazeti.ge